Kulamadoda amathathu alaliswe esibhedlela se St Patricks eHwange lamuhla ngemva kokuba ebhulwe ngamasotsha izolo ebusuku esigabeni seMsuna. Amadoda la abikwa elimele kakubi.
Omunye wamadoda la uMnu Efias Ngwenya ubikwa ephuke isandla kwathi abanye ababili esingenelisanga ukuthola amabizo abo baganyulwa emakhanda. Istudio 7 yehlulekile ukuzwa ukuthi kanti vele kuyini okubangele ukuhlukunyezwa kwabantu laba, ababikwa besebuhlungwini obubi.
Kunyanga edluleyo kulezakhamizi zeSigodini ezilaliswe esibhedlela seMpilo njalo ngemva kokutshaywa kakubi ngamasotsha. Amasotsha wona aziwa ngocuku lwawo ngoba esikhathini esinengi ehlezi esukela uzulu ikakhulu endaweni zokuzilibazisa embule esambulile. Kodwa akula ngitsho lelilodwa isotsha eselike labotshwa ngalokhu.
Imbiko esiyamukeleyo ngethi abantu laba basukelwe ngamasotsha la izolo besemavinkilini eMsuna njalo balethwe ngamapholisa esibhedlela. Omunye wabo ubikwa eke waqaleka njalo ubikwa esehluleka lokukhuluma. Sibelengxoxo lesinye isakhamuzi seHwange esihambe sayabona lababantu esibhedlela esingathandanga ukuqanjwa igama esichaza ngesimo sabantu laba.