Kulehungahunga eliqinileyo lokuthi ngokubhidlika kwe MDC lokusweleka kwebandla eliphikisayo eliqinileyo elingamelana lelibusayo ele ZANU PF kukhetho oluzayo, kungabunjwa ibandla elitsha elizakwethulelwa uzulu ngenyanga ka December. Ibandla leli likhangelelwe ukumanyanisa iziphathamandla ze ZANU PF ,ezamacele omabili e MDC lamanye amabandla amancinyane aphikisayo. Kodwa ingcwethi kwezombusazwe zithi abantu beZimbabwe sebediniwe njalo abaselathemba emabandleni aphikisayo. IStudio 7 ikhulume loMnumzana Dumisani Nkomo othi khathesi elizweni kufuneka ukumanyana kwamabandla onke aphikisayo lenhlanganiso zonke ezilwela ilungelo loluntu, ekususeni uMongameli Robert Mugabe esikhundleni okuthiwa ngesingisi yi United Front.