Uhulumende uqhubeka ephathisa abalimi ngezinto zokulimisa ezigoqela amatalakitha,amakhuba, amahara, imitshina yokufafaza imithi ezilinyweni lokunye okunengi ngenjongo yokuthuthukisa ezokulima elizweni. Uhulumende uthi ilizwe kumele libe lesivuno esihle ngomnyaka ozayo esedlula iminyaka edluleyo ngoba lababona ngezomkhathi besithi izulu lizakuna kuhle lonyaka. Uhulumende usephe izigaba zelizwe amakhuba adonswa ngamadonki kumbe inkomo adlula i 18 thousand, isigaba seBinga kuyiso esiqale ukwamukela la amakhuba anikwa abalimi bemaphandleni.
Ingcwethi ebona ngezokulima uMnumzana Jonah Nkabinde utshele i Studio 7 ukuthi amakhuba la lokunye okokulimisa okunikezwa abalimi nguhulumende kuzanceda kakhulu, kodwa uhlupho yikuthi akulankomo lamadonki okusebenzisa. UNkabinde uqala ngokupha umbono wakhe ngamalungiselelo okulima ngalesisikhathi.