Isilinganiso sokutshabalala komnotho weZimbabwe i inflaltion sesiqonge okwethusayo okutshiye abantu abanengi besithi uhulumende kaMongameli Robert Mugabe seyehlulekile ngempela.
I inflation isuke ku 7 982, 1 percent ngenyanga kaMpandula yayakuthi gwaqa ku 14 840, 6 percent ngo Mfumfu. Sikhuluma nje njengoba sesiku Lwezi isilinganiso lesi silakho ukuba sesikhuphukile njalo.
Ingcwethi zithi uzulu weZimbabwe uqhubeka ebona okwabonwa yingidi. Sibelengxoxo lengcwethi ecubungula ezombusazwe uMnu Mlamuli Nkomo othi idola leZimbabwe lizaqhubeka lisilela amandla kuphela nxa uhulumende kaMugabe esembusweni.