Inhlanganiso ekhankasela ukwethulwa kwezindaba ngokukhululekileyo iMisa-Zimbabwe ithi ukukhethwa kwekomishini entsha ukuthi ihlaziye udaba lweAssociated Newspapers of Zimbabwe (ANZ) eyayidinda iphephandaba elalilodumo i The Daily News leThe Daily News on Sunday, kuyize njalo liqhinga nje likahulumende weZanu PF elokuzama ukuziveza njengohulumende onanza ilungelo likazulu.
Embikweni ewukhiphe lamuhla linhlanganiso ithi njalo kayilathemba lokuthi ukukhitshwa kuka Dr. Tafataona Mahoso kulikhomishini kunganceda ekuthini i ANZ inikezwe ilayisensi iqalise njalo ukudinda amaphephandaba ayo ngoba amanye amalunga akukomishini entsha le ekhanya elembali eveza ukuthi alobudlelwano leZanu PF.
Ithi ukudingisisa kwayo kuveze ukuthi amalunga amabili abalisa umgchinishlalo walikomishini uMnu Chinondidyachi Mararike loCharity Moyo kuveze ukuthi bengaba belobudlelwano leZanu PF. Imizamo yokukhuluma lababili laba yehlule.