Inkulumo eziphakathi kwamacele eMDC leZanu PF ziqhubekele phambili lamuhla kweleSouth Africa lapho okuphathwe khona kabanzi udaba lwemithetho yokwethulwa kwembiko.
Abasiki bebunda batshele iStudio 7 ukuthi iMDC ithi imithetho efana lePOSA, iAIPPA kanye le Broadcasting Services Act (BSA) kumele iguqulwe ivumeze ukwethulwa kwembiko ngokukhululekileyo lokuthi kakumelenga abantu balelwe ukusungula imisakazo kumbe amaphephandaba eZimbabwe. Bathi njalo lobanje iZanu PF ikuvuma layo ukuthi limithetho kumele iguqulwe, ithi uhulumende ngeke ayilahla limithetho ngoba ibalulekile.
Sibelengxoxo loMnu Mlamuli Nkomo ocubungula ezombusazwe othi yena okufunwa ngabantu beZimbabwe yikulahlwa kwemithetho efana labo POSA hatshi ukuguqulwa kwayo.