amalinks wokungena

Breaking News

Ziyatshukana IMDC LeZanu PF Kunkulumo EZiqhubekela Phambili


Inkulumo phakathi kweMDC leZanu PF ziqhubekele phambili eSouth Africa lamuhla lapho amabandla la abehlaziya udaba lokucina kuluhlu lwenkulumo lezi.

Udaba lolu ngolwesimo sezombusazwe elizweni okugoqela udlakela, ukusetshenziswa kwenkokheli yosiko kanye lokudla yiZanu PF ukuze ithole amavoti nxa kulokhetho. Abasiki bebunda batshele iStudio 7 ukuthi iqula leZanu PF lona belikhonona kakubi ngezijeziso ezethulelwa iziphathamandla zeZanu PF ngamazwe angentshonalanga. Iqula leli libikwa licunulwe kakhulu yikuthi imelika yethulele iziphathamandla zeZanu PF izijeziso njalo kuliviki.

Lithi iMDC kumele ikhulumisane lamazwe la kukhitshwe lezizijeziso ngoba kuyizo esezibangele ukubhidlika komnotho. Ngakwelinye icele iMDC yona ibikwa iveze ukukhathazeka kwayo ngodlakela olwenziwa yiZanu PF kubasekeli bayo yathi lelibandla lalo kumele liqede loludlakela kungakenziwa kukhetho. Libikwa lisithi udlakela lungaqhubeka kuzakubanzima ukuthi liphatheke kukhetho oluzayo.

Sikhuluma nje amacele eMDC womabili leZanu PF lokhe ephakathi kokukhulumisana ngoba ejonge ukuqeda lezinkulumo ekupheleni kwaliviki kungakenziwa umhlangano weZanu PF oweCongress wona oqala mhlaka 11 ngoLwesibili oluzayo. Sibelengxoxo lengchwethi ecubungula ezombusazwe uMnu George Mkhwananzi othi yena udaba lokucina lolu lunzima njalo ukuvumelana phakathi kwamabandla la akusoze kubelula.

Ezinye Indaba ZeStudio 7...

XS
SM
MD
LG