Iceld leMDC elikhokhelwa nguMnu. Morgan Tsvangirai lithi lizahlala phansi libonisane ngodaba lwokhetho kulandela amazwi kamongameli mugabe athi ukhetho luzenziwa ngenyanga kaMbimbitho loba sekutheni.
Wona amacele eMDC womabili athi afuna ukuthi ukhetho ludluliselwe phambili okwenyanga eziyisithupha ngemva kokuvumelana enkulumeni ezenziwa ngamacele la lebandla eliphikisayo, umongameli thabo mbeki wesouth africa engumlamlankunzi. UMongameli mugabe utshele amalunga edale leCentral Committee ngoLwesithathu ukuthi ukhetho luzenziwa ngenyanga kaMbimbitho.
Ingcwethi zombusazwe zithi lokhu sekutshengisa mgceke ukuthi inkulumo zokukhumisana umlotha sezikogoqwa nyawo ngoba vele uMongameli Mugabe efuna ukuthi ukhetho lwenziwe amacele eMDC womabili ehlukene. Sikhuluma nje lanxa lezinkulumo ziqhubekela phambili osiyazi bathi sekuqhamuke ukungezwani enkulumeni lezi ngoba iqula leZanu PF lisithi lifuna inkulumo lezi ziphethwe ngemva kokhetho. UChris Gande weStudio 7 uxoxe lomsekeli wesikhulumi secele lemdc elikhokhelwa nguMnu. Morgan Tsvangirai, uNkosazana Thabitha Khumalo ukuze sizwe ukuthi bathini ngembiko kaMongameli Mugabe.