UNkosikazi Lucia Matibenga osuswe esikhundleni sokukhokhela uhlangothi lwabesifazane ngemva kokwesulwa kwekhomithi yabesifazane, uthi kakatshelwa lutho ngokuphume emhlanganweni weNational Council owenziwe ngesonto. Udaba lwabesifazane lolu solukhathazile kakhulu kucele le MDC elikhokhelwa nguMnumzana Morgan Tsvangirai inengi elibona kungadazula njalo lelicele.
Laloba umhlangano wangeSonto uvumile ukuthi ukukhethwa kukaNkosikazi Theresa Makone ukuthatha isikhundla sika Nkosikazi Matibenga kwenziwa okungekho emthethweni, ekucineni lumhlangano unqume ukuthi u Makone aqhubeke ekhokhela loluhlangothi.
UMakone utshele u Carole Gombakomba ukuthi kalasikhathi sokutshona edlalisa ekhuluma ngokudonselana okukuhlangothi lwabesifazane. Wathi yena nguye umkhokheli woqobo wohlangothi lwabesifazane okungathandabuzwayo. Kunjalo nje loNkosikazi Matibenga utshele u Brenda Moyo weStudio 7 ukuthi okwakhathesi uzaqhuba umsebenzi ngemfanelo njengomkhokheli wohlangothi lwabesifazane.