Ugatsha lukahulumende olubona ngezemithetho lubikwa selulobele idale lephalamende umbiko, lilazisa ukuthi i Zimbabwe Prison Services ayitholi imali eneleyo yokulondoloza izibotshwa zayo ezedlula inkulungwane ezingamatshumi amabili lanhlanu emajele wonke angamatshumi ayisithupha lanhlanu elizweni.
Izibotshwa lezi zibikwa ziswela ukudla okwaneleyo, ingubo, impahla zokugqoka, amaphepha afaneleyo okusebenzisa ezambuzi, lokunye okunengi-nengi, osokubangele ukuthi zihlaselwe yimikhuhlane ethile.
Umgcinisihlalo wabatsha kucele le MDC elikhokhelwa nguMnu. Arthur Mutambara eLupane, uCain Mpofu, obevalelwe ejele ye Lupane okwamalanga ayisikhombisa, uthi uzibonele ngamehlo akhe ukuthi indlela izibotshwa ezihlezi ngazo ihlasimulisa igazi.