Amapholisa koBulawayo leHarare abikwa ebophe abantu abanengi kakhulu abacatshangelwa ukuthi bathengisa imali yakwamanye amazwe okungekho emthethweni bathathelwa lemali ebebelayo.
Kodwa osekumangalise uzulu yikuthi kanti kungani amapholisa engabuzisisi usibalukhulu webhanga lesizwe iReserve ngoba esithi uyazazi iziphathamandla zikahulumende ezibangela ukusilela kwemali. Amapholisa abika ukuthi adinga umeli weMashonaland Central edaleni lephalamande uMnu David Butau ngoba efuna ukumbuzisisa ngodaba lokungethembeki. Abazi ngokwenzakalayo bathi uButau wenza ibhizimusi lokuthenga lokuthengisa imali yakwamanye amazwe okungekho emthethweni.
Kubikwa njalo ukuthi nguye osetshenzelwa ngowesifazane obotshwe ngempelaviki ngoba etholakale ele $10 billion iyimali esanda qala ukusebenza emoteni. Sibelengxoxo loMnu Godwill Shana owake wakhokhela inhlanganiso ekhankasela ukulwiswa kokungethembeki eyeTransparency International – Zimbabwe othi ukudingakala kukaBatau kuveza ukuthi iziphathamandla zikahulumende yizo ezenza imisebenzi yokungethembeki.