amalinks wokungena

Breaking News

Ingcwethi Zithi Umumo Uzaqhubeka Usiba Nzima Elizweni, Kwezenotho Lezombusazwe


Ingcwethi ezicubungula ezombusazwe zithi umnyaka ka 2007 ubungumnyaka onzima kakhulu ebantwini beZimbabwe ikhakhulu kwezomnotho, okutshiye uzulu jikelele engelathemba lokuthi umnyaka omutsha uza umumethe okunhle. intengo yezinto iqonge yafika esiqongweni esesabekayo, uhulumende wehlisa lezintengo, okusuke kwabangela ukungatholakali kwazo ezitolo. Inengi lazithola liphethe imali ezandleni kodwa kungela zinto zokuthenga.

U Brenda Moyo weStudio 7 ukhulume loMnumzana Joshua Mhambi omunye walezingcwethi othi umnyaka ka 2008 uza uthwele ubunzima obuphindwe kabili kuzulu, uza uthwele ukuhlukuluzwa libandla elibusayo le ZANU PF ngesikhathi sokhetho, ukudonselana kwamabandla aphikisayo, lokuqhubeka kombuso kaMongameli Robert Mugabe ozanqoba lula kukhetho.

Kunjalo nje ingcwethi kwezenotho uMnumzana Clemence Sibanda laye uvumelana loMhambi, esithi uhulumende usekhangelane lokunqoba kukhetho njalo kaselasikhathi lenjongo yokulungisisa ezomnotho. USibanda uthi sokusalele ezandleni zabantu beZimbabwe ukuthi bazilungisele bodwa okuhluphayo elizweni.

Ezinye Indaba ZeStudio7..

XS
SM
MD
LG