Imibiko ephume kumaphephandaba kahulumende ithi ilizwe le China lithi lizanika eleZimbabwe ukudla okuyisilinganiso se 5,000 metric tonnes okukhangelelwe ukungena elizweni kusikhatshana esifitshane. IStudio 7 ayenelisanga ukuthola ukuthi ukudla lokhu kungabe kuyini ngoba ihofisi yomeli weleChina eZimbabwe ibisivaliwe iStudio 7 yacetshiswa ukuthi itshaye ucingo ngomvulo. Kodwa ingcwethi kwezokulima elilunga ledale lepalamende elimela isigaba seMangwe njalo elilunga lekhomidi ebona ngezomhlaba lezokulima kulelidale, uMnumzana Edward Mkhosi uthi ubulutshwana bokudla okuvela e China kuletha imibuzo eminengi kuzulu. UMkhosi uthi ukudla okungavela kwele china yi rice.