Icele lemdc elikhokhelwa nguMnu Morgan Tsvangirai lazisa uzulu ngohlelo lokufola ezitaladeni okwenziwa mhlaka 23 yonale inyanga e Harare ngenhloso yokutshengisela ukusola umumo wezinto osubangela ukudubeka kwabantu abanengi e Zimbabwe. Intathelizindaba yethu u Mark Peter Nthambe usethulela lolu daba.
Kunjalo nje, umgcinisihlalo wecele leMDC ekhokhelwa nguMnu. Morgan Tsvangirai, uMnu. Lovemore Moyo uthi bafuna ukulinga uhulumende ukuthi babone indlela uhulumende azasebenzisa umtetho we POSA osuguqulwe ingxenye.
Phansi kwalumthetho amapholisa akasela mvumo yokwalela inhlanganiso ukuthi zitshengisele. Kodwa phansi kwenguquko le amapholisa laloba ngubani oyabe efuna ukutshengisela lokhu kuzaphazamisa ukuthula kumele aye emthethwandaba ethule izizatho zokuthi kungani ecabanga ukuthi ukutshengisela kuzaletha udlakela.
UMoyo uphe uChris Gande weStudio 7 izizatho zokutshengisela lokhu.
Ezinye izindaba zeStudio 7 …