Ingcwethi ezicubungula ezomnotho welizwe zithi imali entsha yama Bearer’s Cheques eyethulwe nguhulumende izolo, izanceda okwesikhatshana kuphela, uhlupho lwemali luphinde lubuyele kulokhu obeluyikhokhona.`
Usibalukhulu webhanga elikhulu elizweni ele Reserve uMnu. Gideon Gono izolo uthe imali le eye $1 million, $5million le $10, izaqalisa ukusebenza kusasa njalo abantu sebengathatha imali efika ku $500 million emabhanga.
Lokhu kwenzakala uhlupho lokusilela kwemali lulokhu lubhahile elizweni abantu betshona endwendweni zokudinga limali emabhanga.
Istudio 7 ixoxe lengcwethi ecubungula ezomnotho welizwe, uMnu. Gorden Moyo, othi imali entsha le ayisoze iqede uhlupho lokusilela kwemali ngokupheleleyo.