amalinks wokungena

Breaking News

Kuhazwa Amaphepha Athi Unkosikazi Joyce Mujuru Ufuna Ukuba Ngumongameli


Izakhamuzi zakoBulawayo leHarare lamuhla zivuke zithola amaphetshana azikhuthaza ukuthi zivotele umsekeli kaMongameli uNkosikazi Joyce Mujuru ukuthi abenguMongameli kukhetho oluzayo egcwele ezitaladeni.

Amaphepha la alomfanekiso kaMujuru lembali yakhe yempi yenkululeko abikwa egcwele koBulawayo kulaseHarare, athi uMujuru engavotelwa ukuba nguMongameli uzajezisa zonke iziphathamandla zikahulumende ezephula umthetho. Athi njalo amakhansili ehluleka ukusebenza nje ngenxa yokungabusi kuhle kukahulumende yikho ke engavotelwa uMujuru uzaguqula konke lokhu.

Istudio seven imtshayele ucingo uNkosikazi Mujuru wala ukuphendula imbuzo kodwa esinye isisebenzi sehofisini yakhe sithe lamaphepha akhanya engumsebenzi wabafuna ukuthi umujuru axabane loMongameli Mugabe. Kodwa abanye abadobhe lamaphepha bathi akhanya evela kuye uMujuru uqobo. Omunye walaba nguMnumzana Sam Sipepa Nkomo isiphathamandla secele leMDC ellikhokhelwa nguMnu. Morgan Tsvangirai.

Ezinye izindaba zeStudio 7 ...

‚Äč
XS
SM
MD
LG