Umkhokhel welinye lamcele eMDC, uMnu. Morgan Tsvangirai, lamuhla ubelomhlangano labameli bakwamanye amazwe abazeZimbabwe ebachasisela ngocuku olwenziwe ngamapholisa izolo aze atshaye abasekeli bakhe kwabotshwa abanye.
Lokhu kwenzakale ngemva kokuba inkokheli yecele leli labasekeli bebuthene bahamba ngenyawo enkundleni yeglamis lapho umthethwandaba kade ungqume ukuthi bayekhona hatshi ukufola kade kuqoqwe libandla leli. UTsvangirai ubikwa etshele abameli laba imbangela yebandla lakhe yokuqoqa ukutshengisela lokhu njalo wathi kuzenziwa ilizwe lonke jikelele njengendlela yokutshela uhulumende ukuthi uzulu weZimbabwe sekhathele ngokuphila luklubhu phansi kombuso kaMongameli Mugabe.
Ngemva kwalumhlangano lelibandla lenze umhlangano wenkokheli eHarare. Omunye obekulumhlangano, uMnu. Thamsangqa Mahlangu, umgcinisihlalo wabasakhulayo, usichasisele ngokukhulunyiweyo.