amalinks wokungena

Breaking News

Uhulumende WeZimbabwe Uthi Uzathatha Ipulazi Lika William Michael Campbell Ngenkani


Uhulumende weZimbabwe ubikwa esithi uzathatha ngenkani ipulazi lomhlophe uMnumzana William Michael Campbell, laloba u Campbell ubese udaba lwakhe kudale leSADC Tribunal nyakenye. Idale leli elise Namibia linqume ukuthi uhulumende weZimbabwe angathathi lelipulazi elithiwa Mount Carmel elise Chegutu. Idale leli likhangelelwe ukunquma kuyonale inyanga ukuthi ukuthathwa kwamapulazi abamhlophe kusemthethweni na kumbe hatshi. UCampbell ubecele lelidale ukuthi linqume ukuthi ukuthathelwa kwabamhlophe amapulazi kwenziwe kusetshenziswa ubandlululo.

Kodwa umphathintambo obona ngezokwabiwa kutsha komhlaba uMnumzana Dydimus Mutasa uthi uhulumende kasoze amelele isinqumo se SADC tribunal ngoba ezasebenzisa imithetho yelizwe ukuthatha lelipulazi. U Brenda Moyo weStudio 7 ukhulume lengcwethi kwezokulima uMnumzana Renson Gasela, engowecele le MDC elikhokhelwa nguMnumzana Arthur Mutambara, othi nxa iSADC tribunal inganquma ukuthi ukuthathwa kwamapulazi abamhlophe akukho emthethweni kunengi okuzakwenzakala kulandela leso sinqumo.

Ezinye Indaba ZeStudio7..

‚Äč
XS
SM
MD
LG