Ukuvalwa kokubhalisa ukuvota sokusondele, ezinye izakhamizi koBulawayo zithi kazizange zabakwazi ukuthi indawo lezi zingaphi ngoba bengalutholanga ulwazi olweneleyo ngaloluhlelo. UMasautso Banda uyasipha loludaba.
Inhlanganiso yababengabalweli benkululeko eleZimbabwe Liberators Peace Initiative lithi amalunga e Zanu PF akhankasela ukhetho oluzayo awayekele umkhuba wokwethusela abantu lokubaqila ngokubapha ukudla ukuze bawavotele ekhethweni oluzayo. Inthathelizindaba yethu uThabang Mathebula isethulela lolu daba.
Kunjalo nje, icele leMDC elikhokhelwa nguMnu. Arthur Mutambara lithi litshele ugatsha lokhetho, iZimbabwe Elections Commission ukuthi lifuna ukuthi kuvezwe ukuthi abantu abafuna ukuthi bancintise kukhetho kumele bahlawule malini. Lelicele lithi njalo litshele izec ukuthi kumele ikhulumisance losibalukhulu webhanga leReserve, uMnu. Gideon Gono ukuthi avumele amabandla aphikisayo ukuthi aphiwe imali edlula le evunyelwa ngumthetho ukuthi ingathathwa ngelanga ukuze amabandla enelise ukuqhuba inhlelo zayo.
Umsekeli kanobhala jikelele, uNkosikazi Priscila Misihairambwi Mushonga utshele uChris Gande weStudio 7 ukuthi lelicele lizazisa abasekeli ukuthi liyangena na kukhetho kumbe hatshi ngemva komhlangano we National Executive ngoMgqibelo.