IZimbabwe Elections Commission ithi kufunakala ukuthi abafuna ukuncintisa kukhetho lokudinga amakhansila emadolobheni lezabelweni kuzamele bahlawule i$10 million umuntu ngamunye ukuze bathathwe amafingerprints.
Lokhu kuphume kumhlangano owenzwe yizec lecele leMDC elikhokhelwa nguMnu. Arthur Mutambara. Kodwa lelicele ebelifuna ukwazi okunengi okudingakalayo ukuthi umuntu ancintise kukhetho kalitshelwanga ukuthi abafuna ukungena kukhetho lokudinga abameli bedale lephalamende kumele bahlawule malini wona umthethwandaba wokwamukela amagama abazancintisa, inominations court, lizahlala kuviki ezayo.
Umsekeli wesikhulumi salelicele, uMnu. Abednico Bhebhe utshele uChris Gande weStudio 7 asebekwazi okufanakalayo ukuze umuntu ancinitse kukhetho olumanyanisiweyo oluzenziwa ekupheleni kukaMbimbitho.