amalinks wokungena

Breaking News

Abesifazane Bakhuthazwa Ukungena Ezikhundleni Zokuncintisa Kukhetho


Abesifazane bakhuthazwa ukuthi bangasaleli emuva kodwa basukumele phezulu bangene kukhetho lwama Primaries ukuze benelise ukungena kukhetho luka 29 March, bencintisa izikhundla zamalunga edale lepalamende, idale le senate, lakukhetho lwamakhansila.

Inkuthazo le ivela kuNkosikazi Lucia Matibenga onqobe kukhetho lwama Primaries kuthange emzini weKuwadzana e Harare. UNkosikazi Matibenga ukhuthaza njalo ibandla lakhe ukuthi lisebenzise indlela ezicacileyo kukhetho lwama Primaries ukuze kungabi lokukhonona kubasekeli bebandla, abacina bekhalala ukuphatheka kukhetho.

Umzekeliso ungaba ngokaNkosikazi Theresa Makone owangena kusikhundla sokukhokhela uhlangothi lwabesifazane kucele le MDC elikhokhelwa nguMnumzana Morgan Tsvangirai, okubikwa inkokheli yebandla ithe engancintiswa kukhetho lwama Primaries kodwa ekelwe nje ezingenela.

Sokuthethe insuku ezintathu udaba lukaNkosikazi Makone , ofuna ukuncintisa ukhetho eHarare North lusehlula ukwenziwa ngoba abantu bengamfuni.

Kucele leli abesifazane abayisitshiyagalolunye sebethethe kuzikhundla zabazancintisa kumalunga edale lepalamende, le senate. Asizweni uNkosikazi Matibenga echasisa injabulo abelayo ngokunqoba kwakhe eKuwadzana.

Kunjalo nje abesifazane becele leMDC elikhokhelwa nguMnumzana Arthur Mutambara bathi labo sebezilungiselele ukungena kukhetho lwenyanga ezayo, besithi laloba kungakacaci ukuthi bangaki abesifazane balelicele asebenqobe kukhetho lwama Primaries, inengi labo likhanya lizimisele ukungena ezikhundleni.

U Brenda Moyo weStudio 7 uphinde wakhuluma loNkosikazi Tholakele Khumalo, umsekeli kamgcinisihlalo wohlangothi lwabesifazane kulelicele, othi bebekhangelele kakhulu ukuthi amacele omabili e MDC amanyane ukuze abesifazane kumacele omabili banikane ithuba kuzigaba ezehlukeneyo zelizwe.

EZinye Indaba ZeStudio7..

‚Äč
XS
SM
MD
LG