Amalunga amabandla atshiyeneyo ayakhonona ngokuthi ukhetho lokudinga abazancintisa kukhetho lukaMbimbitho, olwama primaries aluqhutshwanga ngemfanelo ngoba kulabanye abakhethwe ngokuthandwa yiziphathamandla zalawo mabandla, bona bengelasekelo lwabantu makhaza.
Ukhetho lolu luthethe isikhathi eside kubandla le ZANU PF ngoba amalunga aleli bandla esilwa kwezinye izigaba zelizwe, ebanga izikhundla njalo amanye ehambisana emthethwandaba. Amalunga ecele le MDC elikhokhelwa nguMnu. Morgan Tsvangirai lawo abesola indlela ukhetho lolu oluqhutshwe ngalo.
USithandekile Mhlanga we studio 7 uxoxe le siphathamandla secele le MDC elikhokhelwa nguMnu. Morgan Tsvangirai, uMnu. Felix Mafa, endawonye lengcwethi ecubungula ezombusazwe, uMnu. Dumaphi Mema ukuze sizwe imbono yabo ngaloludaba. UMnu. Mafa uqale ngokwala ukuthi icele lebandla lakhe lenze ukuqilibezela kulolukhetho.