Amalunga ayisithoba munwe munye awenhlanganiso ebona ngelungelo lamatitshala, iProgressive Teachers’ Union, PTUZ, athunjiwe ngabasakhulayo bebandla leZanu PF izolo batshaywa kabuhlungu eHarare akhululiweyo kodwa elokhu esesibhedlela se Avenues eHarare.
Amalunga la agoqela inkokheli yalinhlanganiso ephakathi kokukhalala umsebenzi ethi unobhala jikelele, uMnu. Raymond Majongwe lomkhokheli uMnmu. Takavafira Zhou babikwa bathunjwa besipha abantu amaphetshana atshengisa ukungathakazeleli kwamatitshala ukwehla kohlonzi lwemfundo eZimbabwe.
Igwetha labo, uMnu. Aleck Muchadehama utshele iStudio 7 ukuthi amapholisa abethese icala elithiwa ngesilungu yi Public Nuisance kodwa basebetshelwa ukuthi amapholisa azathumela isamanisi nxa sebebafuna. Ipholisa kade libalinidile esibhedlea lihle lasuswa amalunga la asala eseselatshwa kungela owalindileyo. UChris Gande weStudio 7 uxoxe lomela iPTUZ koBulawayo, uMnu. Enock Paradzayi ukuze sizwe osekuzenziwa yilinhlanganiso.