Amacele womabili eMDC athi inkulumo ebeziqhutshwa phakathi kwalelibandla leZanu PF zilawulwa ngumongameli Thabo Mbeki weSouth Africa sezitshabalele. Amacele la athi imbiko ehlala ikhitshwa nguMbeki eyokuthi inkulumo lezi ziphumelele ingamanga.
Abethule limbiko ngonobhala jikelele bamacele womabili uMnu Welshman Ncube owecele elikhokhelwa nguMnu Arthur Mutambara loMnu Tendai Biti owecele likaMnu Morgan Tsvangirai emhlanganweni abawenze lentathelizindaba lamuhla eJohannesburg, South Africa.
Intathelizindaba yeStudio 7 uBenedict Nhlapho ubika ukuthi uMnu Ncube loMnu Biti bathi inkulumo lezi zitshabalele ngoba umongameli Mugabe eyalile ukudlulisela ukhetho phambili njalo wala lokuthi kwethulwe isisekelo sombuso esitsha phambilini kokhetho.