Umsakazo weZBC ubikwa usumise ukukhitshwa kwembiko yeminkankaso yenhlanganiso ekhankasela ukuqhutshwa kokhetho olukhululekileyo, iZESN, eyokufundisa uzulu ngokhetho.
IZBC isimise imbiko yeZESN ebimele ifundise uzulu ngokhetho kusukela ngoLwesihlanu kuze kwenziwe ukhetho ekupheleni kukaMbimbitho.
IZESN ibikwa izabiselwa imali ebisiyibhadalele ukutshitshwa kwembiko yayo. Lokhu kwenzakala nje, uzulu ekhala ngokungabi lolwazi lokuthi kuzavotwa njani kukhetho oluzayo njengoba luyabe lumanyanisiwe, okungakaze kwenzakale eZimbabwe.
Omela iMangwe edaleni lephalamende ekucele leMDC elikhokhelwa nguMnu. Arthur Mutambara, uMnu. Edward Mkhosi utshele uChris Gande weStudio 7 ukuthi ukungazi ngokhetho kukazulu kuzaphazamisa inengi eligoqela abasekeli bebandla elibusayo, iZanu PF.