amalinks wokungena

Breaking News

IZANU PF Ibikwa Ithengisela Amalunga Ayo Wodwa Umumbu Emaphandleni


Abamela izigaba ezitshiyeneyo emaphandleni emandebeleni edale lephalamende bakhonona ngokuthi ibandla le ZANU PF lokhu liqhubeka lihuga abantu ukuthi balivotele ngokuthengisela amalunga alo wodwa umumbu ovela eziphaleni ze Grain Marketing Board.

Izigaba ezigoqela i zansi le nyakatho yemandebeleni zibikwa zibhekane lendlala eyesabekayo ngoba kungela kudla njalo lenhlanganiso ezizimeleyo eziholisa abantu ukudla sezama ukukwenza lokhu.

UMnu. Moses Mzila Ndlovu omela i Bulilima edale lephalamende njalo engowecele le MDC elikhokhelwa nguMnu. Arthur Mutambara utshele uSithandekile Mhlanga we studio 7 ukuthi kulamakhansila ebandla le ZANU PF athengisa isaka le 50kg elilodwa umumbu ngemali yama randi e South Africa alitshumi lanhlanu esigabeni sakhe.

Istudio 7 ayenelisanga ukuthola icele le ZANU PF kumbe eleziphathamandla ze GMB kuloludaba.

Ezinye indaba ze studio 7…

XS
SM
MD
LG