Umanyano wamazwe eSadc uthi usuthumele iqula lokuyahlolisisa ngomumo okhona elizweni ukuthi ulungele ukhetho olukhululekileyo yini kumbe hatshi. Lumanyano uthi iqula leli lifike elizweni kumaviki amabili edluleyo.
Ekhuluma leStudio 7 lamuhla umqondisi wohlangothi olubona ngezombusazwe lezomvikela kuSadc, uMnu Tanki Mothaye, uveze ukuthi iqula lokuyahlola ngokhetho lizathunyezwa eZimbabwe ngeSonto.
Kodwa iqula lakuqala iSadc ethi liselizweni, uzulu uthi kakwazi lutho ngalo. Umqondisi weCrisis in Zimbabwe Coalition, uMnu Xolani Zitha utshele uNtungamili Nkomo weStudio 7 ukuthi laloba iCZC ingelalwazi lokuthi iqula leli liselizweni, abehlanganiso ezizimeleyo bafuna ukuthi bahlangane lalo labo baphe imbono yabo ngokhetho oluzayo.