UMongameli Thabo Mbeki wele South Africa uthi amalungiselelo okhetho eZimbabwe ahamba kuhle njalo akula muntu okhononayo. UMbeki utshele intathelizindaba eMauritius ukuthi akulalutho olutshengisa ukuthi ukhetho luzaba lokuqilibezela.
Kodwa ekuqaliseni kweviki umsekeli kamphathintambo wezobudlelwano lamanye amazwe eSouth Africa, uMnu Aziz Pahad utshele intathelizindaba ukuthi eleZimbabwe akumelanga lenze ukhetho oluzacatshangelwa ukuthi lube lokuqilibezela.
Lamuhla, uMongameli Mugabe laye utshele abazohlola ukhetho ukuthi luzaqutshwa ngemfanelo. Imbiko kaMongameli Mbeki isolwe ngabanengi ngemva kokuzitshaya isifuba esithi inkulumo abezilawula phakathi kwamabandla ezombusazwe aweZimbabwe zagqitshwe kahle. Ingcwethi ecubungula ezombusazwe, uMnu. Walter Mbongolwane uphe uChris Gande weStudio 7 imbono yakhe ngaloludaba.