amalinks wokungena

Breaking News

'Sizalahlekelwa Yimali Enengi Ngokumiswa Kwemidlalo YePSL'


Abadlali benguqu bakhala ngokuthi ukudluliselwa phambili kwemidlalo yenguqu kuze kwedlule ukhetho kuzakwenza balahlekelwe liholo, ngalokhu kuzabanzimela ukuthi baphilise imuli zabo.

Abanengi balababadlali bathi isinqumo senhlanganiso ebona ngezenguqu elizweni iZimbabwe Football Association (ZIFA) esokumisa imidlalo obekumele idlalwe ngekhefu lephasika senziwe kungazange kucatshangwe ngesimo sabadlali ngoba bona njengabadlali bephila ngemali abayithola bengadlala banqobe.

Inhlanganiso ye Premier Soccer League (PSL) ibihlele ukuba ingengi lamaqembu adlala ekulesisigaba azadlala imidlalo emithathu ngesikhathi sephasika okuyinto esingadala uhlupho lokudinga insuku zokuqhuba limidlalo ngoba inhlelo ze PSL zivele zibhekane lodubo lokuthi kwamanye amaviki kumele kudedelwe iqembu lesizwe lona elizaphatheka kumidlalo yokudinga amaqembu azakuyaphatheka kumidlalo yentshantshu zezwekazi leAfrica kanye lemidlalo yezizwe zomhlaba.

Ukumiswa kwalimidlalo, kutsho intathelizindaba yeStudio 7 yezemidlalo uJoseph Njanji, kuzabangela ukuthi abadlali bahlale amaviki amabili bengaholi okuzabalethela ubunzima obukhulu ekunakekeleni imuli zabo.

Ezinye Indaba ZeStudio 7...

‚Äč
XS
SM
MD
LG