Imikhankaso yabazancintisa kukhetho lwangempelaviki lamuhla ingene kusibanga esikude njengoba sekusele amalanga amathathu nje kuphela ukuthi kwenziwe ukhetho olumanyanisiweyo. Umkhokheli wecele leMDC elikhokhelwa nguMnu. Morgan Tsvangirai ubesedolobheni leMarondera lapho okubikwa bekugcwele abantu abangafika inkulungwane ezilitshumi lambili. UMongameli Mugabe laye ubedinga usekelo eChiredzi lako okubikwa bekugcwele abantu abangafika inkulungwane ezingamatshumi amabili.
Owayengumphathintambo wezemali, uMnu. Simba Makoni, laye odinga ukuba ngumongameli welizwe ubikwa ubehlangana lamaxuku abantu edolobheni leHarare. UMnu. Langton towungana laye odinga ukuba ngumongameli welizwe ezimele ubonakale emzini wakhe eVictoria Falls ezihlalele. Umsekeli kaMnu. Tsvangirai, uNkosazana Thokozani Khuphe, obese ntabazinduna, uphe uChris Gande okunengi ngemikhankaso yebandla lakhe.
Ezinye izindaba zeStudio 7 …