Ingcwethi ezicubungula ezombusazwe zithi aziboni uMongameli Robert Mugabe enqoba ekhethweni lwangoMgqibelo nxa luzabe lukhululekile, lanxa engasoze aqilibezele. Ezinye zisithi nxa phakathi kwabobonke abancintisanayo kungasweleka ozanqoba ngesilinganiso se 51% kulakho ukwenziwa olunye ukhetho- i Run-Off ngesingisi, phakathi kwababili abayabe belamavoti amanengi ukwedlula abanye. Ukuze sizwe ingcazelo nge Run-Off le u Brenda Moyo weStudio 7 uxoxe loMnumzana Zenzo Nkomo ocubungula ezombusazwe ese South Africa.