Lanxa inengi lisithi kube kungeladlakela olunengi phambilini kwalolukhetho icele leMDC elikhokhelwa nguMnu. Morgan Tsvangirai lithi amalunga alo abebotshwa ehlukuluzwa endaweni zonke zelizwe.
Lamuhla ngelanga lokucina lokukhankasa lelibandla lithi amalunga abotshiweyo kunyanga edluleyo edlula amakhulu amabili abotshiweyo esetheswa amacala aphathelane lokhetho. Amalunga amabili alelicele abikwa engaziwa ukuthi angaphi ngemva , uMnu. Edson Muvengwa owerushinga loMnu. Daniel Tawengwa owe Epworth, awaziwa ukuthi angaphi ngemva kokuthunjwa ngabacabangela ukuthi ngabasekeli bebandla leZanu PF.
Kunjalo nje inhlanganiso yomanyano wenhlanganiso ezilwela ilungelo likazulu iCrisis in Zimbabwe Coalition ibilomhlangano lenthathezindaba lamuhla eHarare. Ukuze sizwe obekwenzakala uChris Gande weStudio 7 uxoxe lomqondisi walinhlanganiso, uMnu. Xolani Zitha.
Ezinye izindaba zeStudio 7 …