Uzulu weZimbabwe, inhlanganiso ezizimeleyo, lomhlaba wonke jikelele ukhonona ngokuphuza kukahulumende ukwethula impumela yokhetho, ikakhulu eyokhetho lukaMongameli. Inhlanganiso ezizimeleyo ezilwela umbuso okhululekileyo elizweni, ezisebenza phansi kwe Crisis in Zimbabwe Coalition, ziphakathi kokuloba ugwalo kunhlanganiso ye SADC ziyicela ukuthi ikhuthaze uMongameli Robert Mugabe ukuthi aphangise uwethula impumela yokhetho.
U Brenda Moyo weStudio 7 ukhulume lomqondisi weBulawayo Agenda uMnumzana Gorden Moyo ochasisa ukuqakatheka kokukhulumisana kwabo le SADC.