Uzulu weZimbabwe ulokhe elenga emoyeni emelele ukuzwa impumela yokhetho lukamongameli, engakaziwa ukuthi izakwethulwa nini yinhlanganiso ebona ngezokhetho eye Zimbabwe Electoral Commission. Lokhu kubikwa sokubhidlize umnotho ngamandla ngoba abezamabhizimisi labo bemelele impumela le ukuze bazi ukuthi baqhubekela phambili njani. Uzulu ubikwa ethwele nzima ngokuqonga kwentengo yezinto ezinengi ezitolakala emkambo womkhoto.
Intathelizindaba yeStudio 7, uMasautso banda ubika ukuthi uzulu uqhubeka esidla imbuya ngoluthi koBulawayo, kuthi ingcwethi kwezenotho uMnumzana Clemence Sibanda uthi okuqakathekileyo khathesi yikuthi onqobayo kukhetho lukamongameli kuzamele abumbe uhulumende womanyano aqalise ukulungisisa umnotho..