Amapholisa lamasotsha atshona ebhoda bhoda ebona ukuthi kulokuthula elizweni, ilizwe limelele impumela yokhetho, abikwa seqalisile ukuhlukuluza uzulu eHarare.
EMufakose, abikwa etshaye abantu ekade bezinathela utshwala kuthi kwezinye indawo abikwa ebehamba etshela uzulu ukuthi kungatshaya ihola lesikhombisa ntambama kumele ebesesezindlini.
KoBulawayo lakwezinye indawo zelizwe laloba kungelakuhlukuluzwa okukhona, kubikwa amapholisa enyakazela etshona ebhodabhoda. Ingcwethi ecubungula ezombusazwe uMnu Rejoyce Ngwenya utshele uNtungamili Nkomo weStudio 7 ukuthi okwenziwa ngamasotsha lamapholisa akwethusi ngoba sokwa’angena egazini ukuhlukumeza uzulu nje mahlayana.