Inhlanganiso eye National Constitutional Assembly icwayisa uhulumende ukuba engahlukuluzi intathelizindaba kuleli kulandela ukubotswa kwentathelizindaba zakwamanye amazwe e Harare.
Embikweni owethulelwe intathelizindaba eHarare ngolwesihlanu yinhlanganiso ekhuthaza ukulotshwa kwesisekelo sombuso esitsha eye National Constitutional Assembly - NCA ithi isikhuthaza uhulumende ukuba atshiyane lomkhuba wokuhlukuluza intathelizindaba.
Ithe amapolisa afike kweinye ihotela edolobheni le Harare ngolwesine ahlukuluza intathelizindaba zisenza umsebenzi wazo. Inhlanganiso le iphinde yasola kakhulu ukuphuza osokusenza ukuvezwa kwempumela yokhetho kuleli. Ikhuthaze inhlanganiso eqhuba ukhetho eye Zimbabwe Electoral Commission ukuba iphange kundlela asebenza ngayo iveze impumela yokhetho ngokuphangisa. Iphinde yaqwayisa leyo Commission ukuba ingavumi ukusetshenjiswa nguhulumende osekhanya efuna ukusebenzisa amandla e Presidential Powers ukudlulisela phambili ilanga elingenzwa ngalo ukhetho olwesibili lokudinga umongameli welizwe okuthiwa i election run off esikhanya iyiyo ezakwenzakala kuleli.
I National Constitutional Assembly ithi ilembiko ethembekayo eyokuthi lokhu kungenzakala kusetshenjiswa isizato sokuba i Commission ye ZEC ayenelisi ukuquba lolokhetho phakathi kwesikhathi esifitshane.
Kusenjalo impumela yokhetho lwe Senate esilayo ithi ibandla le mdc ekhokhelwa nguMnumzana Morgen Tswangirayi lenelise ukuthola izihlalo ezinhlanu kwezilitshumi esezethulwe ngabe ZEC ibandla le ZANU PF lona lathola ezinhlanu lalo.