Ukuthunjwa kwamapulazi abalimi abamhlophe ngabalwa impi yenkululeko abasekela ibandla leZanu PF kuqhubekela phambili elizweni.
Lamuhla inhlanganiso emela laba balimi eye Commercial Farmers Union (CFU) ibike ukuthi kulabamhlophe abangamatshumi ayisithupha 60, asebexotshwe emapulazini abo ngabalwa impi yenkululeko laba kumalanga amathathu edluleyo ezabelweni ezigoqela iMashonaland West, Mashonaland Central leMashonaland East.
Kubikwa kulomlimi oyedwa onsundu laye oxotshiweyo epulazini lakhe ngoba setheswa umlandu wokusekela ibandla leMDC. Esigabeni seMasvingo amapholisa abika ukuthi setshele abathumba amapulazi laba ukuthi besuke njalo bengaze baphazamisa abanikazi bawo.
Omunye wabakhokhela uhlelo lokuthumba amapulazi lolu njalo esekela uMnu Gift Siziba, walile ukukhuluma leStudio 7, kuthi owalwa impi yenkululeko ekuvuyo leZipra njalo engumkhokheli wenhlanganiso yabalwa impi yenkulululeko iZimbabwe Liberators Peace Initiative (ZLPI) uMnu Max Mkandla utshele untungamili Nkomo weStudio 7 ukuthi bayakusola kakhulu ukuthunjwa kwamapulazi lokhu.