amalinks wokungena

Breaking News

IMDC Ithi Nxa Kungenziwa Ukhetho Lwesibili Lukamongameli IRun-off Ayisoze Iphatheke


Icele leMDC elikhokhelwa nguMnu. Morgan Tsvangirai lithi nxa impumela yokhetho lukaMongameli ingethulwangwa ngoMvulo izakhutahaza uzulu ukuthi atshengisele ngokuzihlalela ezindlini, istayaway.

Lelibandla lithi kalisoze livume ukuthi kwenziwe olunye njalo ukhetho, irun-off. Kumhlangano wedale lalebandla elimqoka, iNational Executive owenziwe lamuhla eHarare lelibandla lithe amasotsha kumele asuke emgwaqweni abuyele enkambeni zawo hatshi ukutshona ezulazula emgwaqweni.

Umgcinisihlalo wabasakhulayo kulelibandla njalo elilunga leNational Executive, uMnu. Thamsangqa Mahlangu utshele uChris Gande weStudio 7 ukuthi lelibandla lingqume ukuthi kubalwe kutsha amavoti njengalokhu okukhulunywa libandla leZanu PF.

Ezinye indaba ngesiNdebele...

‚Äč
XS
SM
MD
LG