Ngemva kokubalwa kutsha kwamavoti esigabeni se Goromonzi, ibandla leZanu PF lingqobile njalo. Ibandla leMDC yilo elalicele ugatsha lwezokhetho, iZEC, ukuthi kubalwe kutsha kulesi sigaba.
Lokhu kwenzakala ukubala kutsha kuqhubekela phambili ezigabeni ezingamatshumi amabili lantathu. Lanxa iZEC ibithe impumela yezinye lezi zigaba izaziswa lamuhla akuzange kubenjalo. Inhlanganiso ezizimeleyo ezihlola ukubalwa kutsha kwamavoti lokhu zithi kwezinye izigaba kukhanya amabhokisi amavoti avulwa okungekho emthethweni okwesatshelwa ukuthi kungaba lokuqilibezela.
Esigabeni seLupane East lapho okwanqoba khona uMnu. Njabuliso Mguni owecele leMDC elikhokhelwa nguMnu. Arthur Mutmabara besekubalwe amavoti awamaward alitshumi sekusele amane. UChris Gande weStudio 7 uxoxe loMguni ukuze sizwe okwenzakalayo kulesi sigaba.