Inhlanganiso yeZimbabwe Association of Doctors for Human Rights-ZADHR izolo yethule umbiko wokuthi inani labantu abatshayiweyo, bahlukuluzwa asebedinge uncedo lokwelatshwa, lokhe liqonga mihla ngemihla. Inhlanganiso le ithi kusukela mhlaka one April sokwelatshwe abantu abedlula abangamakhulu amathathu. Abantu laba bavela ezigabeni ezigoqela iMudzi, Murehwa, Mutoko,Chitungwiza, Epworth, Manicaland lezinye. Inhlanganio le ithi abanengi ngabeza bephuke, inyawo, ingalo, imbambo,belezilonda emzimbeni langaphansi kwenyawo.
Linhlanganiso ibika njalo ukuthi abakhanya bephatheka kakhulu ekuhlukuluzeni abasekeli bebandla leMDC kukhanya kungama pholisa lamalunga ebutho. Inhlanganiso le ikhuthaza inhlangansiso yeZimbabwe Medical Association, leye World Medical Association ukuthi zichothoze ukuhlukuluzwa kwabantu lokhu.
U Brenda Moyo weStudio 7 ukhulume lodokotela Samukeliso Dube othi abantu abahlukuluziweyo laba kwezinye izikhathi balakho ukucina bephazamiseka ingqondo, ngakhoke kumele badinge uncedo kumbe i counselling ngesingisi kubodokotela abelapha imikhuhlane yenqgondo.