amalinks wokungena

Breaking News

Ziyanda Iziphepheli Elizweni; Ekuqhubekeni Kodlakela


Ekuqhubekeni kodlakela elizweni, abezinkonzo bathi kulabantu asebefika phose inkulungwane asebebalekele ezinkonzweni elizweni jikelele bedinga ukuphephela.

I MDC ithi sokufe abantu abedlula amatshumi amabili, bebulawa ngabasekeli beZanu PF ngoba bebethesa umlandu wokusekela lelibandla. Umfundisi Ray Motsi uthi udlakela ludlangile, ilizwe liyabhebha laloba lingekho empini ngoba abasekeli beZanu PF bedlisa uzulu luklubhu.

Kusenjalo, endaweni ezitshiyeneyo zemaphandleni kwelemaNdebeleni, udlakela lubikwa solubhahile. Udlakela luqale eMashonaland endaweni ezivele zisaziwa ngokuthi zilenani eliphezulu labasekeli beZanu PF.

Omunye wabalaleli bethu osesigabeni sakoMangubo, eMadlambuzi, okhethe ukubethwa ngokuthi nguMaMpofu, utshele uNtungamili Nkomo weStudio 7 ukuthi abantu kulesisigaba sebehlala bethithibele.

Imbiko kaMaMpofu le igcizelelwe nguMaDube oseLupane, laye utshele uNtungamili Nkomo ukuthi into kazimanga kuhle kulesisigaba.

Ezinye Indaba ZeStudio 7...

‚Äč
XS
SM
MD
LG