Ikhomisheni ebona ngezokhetho elizweni, iZEC, ithi sekumele kuqaliswe ukulungiselela olunye ukhetho lokudinga uMongameli, irun-off. Likhomisheni ithi ngoba uMnu. Morgan svangirai okhokhela elinye lamacele eMDC, wathola amavoti ayisilinganiso esiyi 47.9 percent kwathi uMongameli Mugabe wathola 43.3 percent.
Kodwa okucunule ibandla leMDC yikuthi likhomisheni yalile ukuthi inani lamavoti lilinnganiswe lenani lezigaba ezitshiyeneyo, iverification, njengalokhu likhomisheni ebikuthembisile. Phansi komthetho wezokhetho lokhu kutsho ukuthi ababili laba sekuzamela bangqikilane kolunye ukhetho ngoba akula othole isilinganiso esedlula amatshumi amahlanu ekhulwini levoti elilodwa.
EleBhilitane lihle lakhupha umbiko othi alivumelani lempumela le ngoba ithethe isikhathi ukuthi yethulwe. Isiphathamandla esibona ngokwenzakala phandle kweBhilitane sithi njalo akusoze kube lokhetho olunye olukhululekileyo ngoba ibandla leZanu PF seliqalise ubudlwangudlwangu. Isiphathamandla salelibandla, uMnu. Felix Magalela Mafa Sibanda, utshele uChris Gande weStudio 7 ukuthi kabasoze bangene kukhetho lwesibili. Kunjalo nje, inhlanganiso yeCrisis in Zimbabwe Coalition ithi nxa kungenziwa ukhetho lwesibili uzulu ulakho ukuvotela umnu.
Tsvangirai ngoba esekhathele ngombuso kamongameli mugabe. Umqondisi walinhlanganiso, umnu. Xolani zitha utshele uchris gande westudio 7 ukuthi ibandla leZanu PF kalisoze lanqoba kukhetho lanxa kunjalo nje, unobhala jikelele webandla leMDC uMnu. Tendai biti utshele intathelizindaba eJohannesburg, eSouth Africa, ukuthi mpela abasoze bemukele limpumela. UChris Gande weStudio 7 uxoxe lenthathelizindaba yethu, uBennedict Nhlapho obekulumhlangano.