amalinks wokungena

Breaking News

UMongameli Mugabe Ubanjwa Ngamandla Ukuthi Kwenziwe Ukhetho ePelandaba-Mpopoma


Umthethwandaba weHigh Court usuzewapha isinqumo ngodaba lokhetho lozamela isigaba sepelandaba – Mpopoma edale lephalamende. UMahluli uJustice Nicholas Ndou uthi kumele uMongameli Mugabe aqume ilanga lokwenziwa kwalolukhetho kungakedluli amalanga alitshumi lane.

Lesi sinqumo sethulwe ngemva kokuba omunye odinga ukuncintisa lesi sikhundla ezimele, uMnu. Job Sibanda ekhweze loludaba emthethwandaba ecela ukuthi ubambe ngamandla uMongameli Mugabe ukuthi anqume ilanga lalolukhetho. Lesi sihlalo asisacintiswanga ngoMbimbitho ngemva kokufa kowayesiphethe, uMnu. Milton Gwetu ngaphambilini kokhetho.

Abanye abancintisayo bagoqela uMnu. Sandla Khumalo owecele leMDC elikhokhelwa nguMnu. Morgan Tsvangirai, uMnu Chamunorwa Mahachi owe ZDB, uMnu Fungai Mutukwa ozimeleyo, iUPP imelwa nguMnu Mahlamvana Ndlovu kuthi iZanu PF imelwe nguMnu. Sikhanyiso Ndlovu loMnu. Paul Siwela owebandla leFederal Democratic Union. UChris Gande weStudio 7 uxoxe loSibanda ukuze sizwe okunengi ngaloludaba.

Kunjalo nje, icele leMDC elikhokhelwa ngumnu. Arthur Mutambara, eliyilo elilahlekelwe ngamalunga ePelandaba/ Mpopoma, Gwanda South lase Redcliff lithi lenze ukhetho lokudinga abazamela kulezi zigaba. Okunengi asikuzweni kungxoxo enziwe nguChris Gande weStudio 7 lonobhala obona ngokuqutshwa kokhetho kulelobandla, uMnu. Paul Themba Nyathi.

Ezinye izindaba zeStudio 7 …

XS
SM
MD
LG