amalinks wokungena

Breaking News

Udlakela Lwezombangazwe Selufike Kusibanga Esesabekayo


Kubikwa ukulwisana okuqhamuke izolo eChiweshe kuqhubekele phambili lamuhla ekuseni phakathi kwabasekeli bebendla leMDC leZanu PF. Izolo kubikwa kuze kwaza indizamtshina lapho kulwisana amalunga la.

Ekuqhubekeni kodlakela lolu endaweni ezitshiyeneyo zelizwe kubikwa elinye ilunga leMDC, uMnu. Aaron Gandanga ethunjiwe ngabasekeli beZanu PF kade behlome ngemibhobho. Sikhuluma nje akwaziwa muntu lapho asiwe khona. EJerera esigabeni seMasvingo amasotsha abikwa esesungule uhlelo lokuhlukuluza abasekeli bebandla leMDC oluthiwa Operation Chipolo-Polo.

Omunye umlali weStudio 7 uthi eMganwini abanye omama batshaywe kabuhlungu ngama game rangers awe Matopo Research Atation. Imizamo yeStudio 7 yokudingisisa ngaloludab yehlule. Umgcnisihlalo wabasakhulayo kubandla leMDC ekhokhelwa nguMnu. Morgan Tsvangirai, uMnu. Thamsanqa Mahlangu uthi sekwesatshelwa ukuthi loludlakela lungathatha inyathelo elesabekayo ngoba amalunga ebandla lakhe asethatha amanyethelo okuzivikela nxa ehlaselwe ngabasekeli beZanu PF.

Ezinye izindaba zeStudio 7 …

XS
SM
MD
LG