Umsebenzi wokubhalisa intathelizinda labazahlola ukukhutswa kokhetho lokudinga umongameli welizwe lwesibili olwe run-off usungulwe ngoMvulo edolobheni le Harare.
Umsebenzi lo usungule ngehola lethoba minwe mbili ekuseni ekolitshini elikhulu ele Harare Polytechnic esigodlweni uqutshwa yinhlanganiso equba ukhetho eye Zimbabwe Electoral Commission ZEC.
Intathelizindaba ezivela ngaphandle bezidingakala ukuthi zibhadale ikhulu lama dollar akwele Melika kufana njalo lemali ebadaliswa abazahlola lolokhetho ama Observer abavela ngaphandle kwelizwe. Intathelizindaba ezakwamanye amazwe bezidingakala ukuba zibe lencwadi yokuzinxusa kuleli evela kugatsha lwezenzakala ngaphandle kwelizwe kanye lencwadi enje evela kugatsha lwezokukhitswa kwembiko kuleli. Inhlanganiso zezindaba ezifana le MISA zisole kakhulu lelinyathelo zisithi aziboni kulesizato sokuba intathelizindaba ezibhalise ngesikhathi sokhetho lokudinga umongameli welizwe, amalunga edale le parlamende laku senate kanye lama councila baphinde beyobhalisa njalo bebhalisela ukwenza umsebenzi ofanayo.
Ekhuluma emsakazweni kamabonakude owe Television wakuleli umqcinisihlalo we Commission ye Media and Information Commission kuleli u Dr Tafataona Mahoso uthe babone kufanele ukuba intathelizindaba ezinje zibhalise njalo ngoba zikhona ezinye ezisebenze ngendlela engaisiyo ngemva kokuthola imvumo yokusebenza ngesikhathi sokhetho lwakuqala.
Ekhuluma emsakazweni munye ngesikhathi ebuka imitshini ye nkampani ye Sky Television ebikwe ingeniswe kuleli ngendlela engekho emthethweni eko Bulawayo, unobhala wogatsa lwezokwethulwa kombiko uMnumzana George Charamba uthe yikho okucina kubenza ukuba basebenzise umthetho kanje ethi sebengasebenzisa lomthetho we POSA kundaba ezinje ethi okwamanje bazacubungulwa kanzima abantu bonke abafuna ukuzoquba umsebenzi wezindaba ukuze bakwenze belandela umthetho ngokugcweleyo.