amalinks wokungena

Breaking News

IPan African Parliament Isola Umumo Oselizweni


Abenhlanganiso yomanyano wamadale ephalamende awezwekazi leAfrica eye Pan African Parliament iPAP bathi balokukhathazeka okukhulu ngodlakela oluqhubekela phambili elizweni, besithi imizamo yabo yokukhulumisana loskhomitshi wamapholisa uAugustine Chihuri ngodaba lolu ikhanya ingasoze ithele izithelo ngoba uChihuri ekhanya edlala umacatshelana labo.

Okhokhela iqula le PAP leli uMnumzana Marwick Khumalo uthi asebekubone elizweni kuveza sobala ukuthi ukhetho luzabe lungakhululekanga, esithi namhla bamangele bebona abantu ekade bebhalisa ukuthi bavote eMt Darwin.

UKhumalo uthe lokhu kube yinkalakatha yesimanga kibo ngoba uhlelo lokubhalisa abazavota lwenziwe kudala ngaphambilini kokhetho lwakuqala. UKhumalo utshele uBrenda Moyo weStudio 7 ukuthi udlakela asebelubonile luyesabeka, esithi sebethumele iqula labo kundawana zonke zelizwe ukuyahlaziya okwenzakalayo. Uthi njalo bethekelele amawofisi eMDC bazibonela ngawabo usizi abasekeli beMDC abakilo.

Ezinye Indaba ZeStudio7...

XS
SM
MD
LG