AbeZimbabwe kweleBotswana sebesungule umkhankhaso wokukhuthaza abanye babo ukuthi babuyele ekhaya bayevota kukhetho lokudinga umongameli olwerun off olukhona ngeviki ezayo. Kulezitimela eseziqoqiwe ukuthwala labo abangehluleka ukuzibhadalela indleko zohambo.
Omunye oqoqa lumkhankaso, uMnunzana Fred Mafa owenhlanganiso yePeople To People Coalition On Zimbabwe uthi injongo yikhuthi abeZimbabwe kweleBotswana babuyele ekhaya bayevota.
UMafa uthi bahlangene njenge zizalwane zeZimbabwe emadolobheni atshiyeneyo beqoqa indlela abantu abangahamba ngayo ukuyavota mhlaka 27.
Uthi kulezitimela ezizaqala ukuthwala abantu kusukela ngolweSithathu kuyonale inyanga.
UMafa uthi kuqakathekile ukuthi abeZimbabwe babuyele ekhaya ukuze bakhethe umongameli abamfunayo.
Ezinye Indaba ngesiNdebele...
