amalinks wokungena

Breaking News

Udlakela Luqhubekela Phambili Lanxa UMnu. Morgan Tsvangirai Engasancintisi Kukhetho


Abatshayeli bezimota eHarare sebebanjwa ngamandla ngabasekeli bebandla leZanu PF ukuthi balengisa amalembu alophawu lweZanu PF. Abangenzanga lokhu babikwa betshaywa kabuhlungu. ICatholic Commission for Justice and Peace ithi lanxa umkokheli weMDC, uMnu. Morgan Tsvangirai ethe kasoze aphatheke kukhetho abasekeli bakhe belokhu betshaywa behlukuluzwa enadweni ezitshiyeneyo zelizwe.

IStudio 7 ithole imbiko eminengi egcizelela limbono. EMbarare abasekeli beZanu PF balokhu bexotsha abeMDC ezindlini. Kuthi esigabeni seManicaland abatshayeli ababili babikwa betshiselwe imota zabo ngoba behluleke ukutshaya islogan sezanu pf.

Edolobheni leGweru izolo abasakhulayo beZanu PF lamasotsha abikwa evuke ubhova ahamba etshaya abantu abanini bezitolo bethathelwa impahla yabo. Unobhala wezokhetho webandla leMDC esigabeni senkabazwe, uMnu. Obert Ncube ulandisele uChris Gande weStudio 7 okwenzakale eGweru.

Kunjalo nje abasekeli bamacele omabili e MDC abangamatshumi amabili balimele ngempelaviki lapho intsha ye Zanu PF labalwa impi yenkululeko bebambane lamasotsha e Zimbabwe National Army atshaya, njalo ahlukuluza abasekeli abaziwayo be MDC ezigabeni ze Mzingwane le Matobo. UThabang Mathebula usethulela lolu daba.

Ezinye izindaba zeStudio7 …

XS
SM
MD
LG