amalinks wokungena

Breaking News

Abangavotanga Baganyulwa Iminwe eGokwe


Amalunga ebandla leZanu PF abikwa elokhu etshaya abantu abangavotanga kukhetho lweviki edluleyo esigabeni senkabazwe. Abanye balaba bantu babikwa behlahlelwe iminwe lezandla.

Esigabeni seManicaland owakhethwa ukumela Buhera South edalelni lephalamende uMnu. Naison Nemadziva ubikwa uthunjwe izolo eHarare watholakala lamuhla enkambeni yamapholisa eBuhera. Isizatho sokuthunjwa kwakhe asiziwa muntu.

Isikhulumi samapholisa, uMnu. Wayne Bvudzijena uthi ukuhlukuluzwa lokutshaywa kwabalimi abamhlophe akulani lezombangazwe kodwa kwenziwa yizikliwi ezikhokhelwa ngu Gilbert Moyo odingwa ngamapholisa ngabomvu.

Kodwa omunye umlimi omhlophe owatshaywa ngomvulo utshele iStudio 7 ukuthi wasiwa enkambeni yabasakhulayo beZanu PF eChegutu lapho atshaywa ubusuku bonke ebanjwa ngamandla ukuthi agiye izilogani zaZanu PF. Umgcinisihlalo wenhlanganiso yomanyano wenhlanganiso ezizimeleyo, iNANGO, enkabazwe, uMnu. Peter Muchengeti utshele uChris Gande weStudio 7 ngobudlwangudlwanug obenzakala kulesisigaba.

Ezinye izindaba zeStudio 7 …

XS
SM
MD
LG