amalinks wokungena

Breaking News

Inkulumo Phakathi KweZanu PF LeMDC Seziqalisile


Uhulumende weSouth Africa uthi inkulumo phakathi kwamacele womabili eMDC lebandla elibusayo eleZanu PF ziqalisile namhla kulelolizwe laloba icele le MDC elikhokhelwa nguMnu Morgan Tsvangirai lilandula ukuphatheka kwalo kulezinkulumo, ezikhokhelwa ngumongameli Thabo Mbeki.

UMbeki wakhethwa ngumanyano weSadc ukuthi abe ngumlamulankunzi phakathi kweMDC leZanu PF kulungisiswe udaba osoluleminyaka luhlupha phakathi kwamabandla womabili la.

Kunkulumo lezi icele leli limelwe ngunobhala jikelele walo uMnu Tendai Biti, loMnu Elton Mangoma, kuthi elikhokhelwa nguMnu Arthur Mutambara limelwe ngunobhala jikelele walo uMnu Welshman Ncube, lomsekeli wakhe uNkosikasi Priscilla Misihairambwi-Mushonga. EleZanu PF lona limelwe ngoMnu Patrick Chinamasa loMnu Nicholas Goche.

Abanye esikhulume labo abanzi ngokwenzakala kulezinkulumo bathi emhlanganweni wanamhla bekuqoqwa konke amabandla eZanu PF leMDC afisa kukhulunywe ngakho, kumbe izikhalazo afisa zihlaziywe emihlanganweni elandelayo.

Umsekeli weSikhulumi secele leMDC elikhokhelwa nguMnu Tsvangirai, uNkosazana Thabitha Khumalo utshele uBrenda Moyo weStudio 7 ukuthi bafuna kuqale kumiswe udlakela elizweni zingakaze ziqalwe inkulumo ezilohlonzi, kuthi umsekeli wesikhulumi secele elikhokhelwa nguMnu Arthur Mutambara uMnu Renson Gasela laye uvumelane loNkosazana Khumalo.

Uthi njalo ukukhulumisana loMugabe akutsho ukuthi ibandla lakhe liyamamukela njengomongamel i welizwe.

Ezinye Indaba ZeStudio7...

XS
SM
MD
LG